İslaq
küçələr mövsümündəyik artıq Bu izdiham dolu şəhərə kədər yağar bu
zamanlarda Təklik yağar küçələrə Darmadağın saçlar,islanmış üzlər
həmişə yerlərdə qalar. Unudulan sevgilər xatırlanar,ya da sevgilər
unudulmağa çalışılar. Hər addımın təkliyə uzanar.Yenə də sürətli
addımlar atılar,qaçılar bu küçələrdə Hər kəs öz mahnısını oxuyar üzünü
büzdürərək. Hər kəs öz hekayəsini ən kədərli sanar. Özü böyük bir yalan
ikən gerçəyi axtarar bu şəhər... Küçələri kimi evləri də acı ilə
doludur.Gözyaşları axar pəncərələrindən. Gecələr gerçəklərini
saxlayarda hər gün başqa bir maska taxar insanları. Həyatları
vardır,anladıqları,tək qaldıqları zaman yaşadıqları... Sevgiləri bir
damla göz yaşında boğular bu şəhərin. Onun üçün gecələri yeni həyatlar
yazılar kimsənin bilmədiyi zamanlara... Onun üçün heç kim kədərlənməz
gedənlərə və ağrıyar geridə qalanlara... Hamı öz mahnısı oxuyar bu
şəhərdə,yalnız öz acılarına bağlanar Hər kəsin teatrıdır... Bu şəhər
hər kəsin ən yalan səhnəsidir. Və ona görə tapılmağı gözləyər bu
şəhərin dənizlərində incilərin ən saxtası Yenə də yalan olduğunu
bilə-bilə eyni oyunu oynayar bu çəhərin insanları... Hər kəs öz
hekayəsini ən kədərli sansa da hər gecəni qara rəngləyər gündüz
yalanları....